Transcription
1
Il est venu deux gentilzhommes ez vallées de Luzerne, Valcluzon et St Martin et
2
Querascq, lesquelz ont apporté force argent pour avoir soldatz, affin dexequter
3
une grande entreprinse en Daulphiné de deux villes et non seullement en
4
Daulphiné, mays en beaucoup daultres lieux en France ; et sur tout, il est
5
certain que Grenoble est dangereux, car en certain lieu, il y eust ung
6
personnaige qui dict, sans y penser aultrement « quelle minne ou troigne
7
tiendront ces messieurs les conseilliers quant ilz se verront saysiz silz
8
feront une trouble mine » ; celuy-là feust reprins par ung aultre qui luy
9
dict : « vous nestes pas saige de parler de cela ». Lors il se teut et par là ne
10
se peult entendre que ce soyt aultre ville que Grenoble. Despuis, en aultre lieu
11
feust dict par autre personnaige quon voulloyt faire ung mariaige dung lyon
12et dune coulleuvr [barré : in ] e ; et demmandant celluy à qui il se disoyt, que cestoyt
13
à dire, il luy feust respondu quil lentendist sil voulloyt et quil le
14
verroyt en bref, dont par le lyon est signiffyé la ville de Lyon, et par
15
la coulleuvre Grenoble.
16
Il sentens que Mombrun liève gens et quil veult aller à Guillestre, faisant
17
son compte dentrer dedans avec ce pretexte de mettre le feu à une
18
cassine ou grange là auprès et de lever leaue qui passe par ledit
19
Guillestre ; et comme ceulx dudit lieu ouvriront les portes pour
20
courir au feu, partie de ses gens entreront par ladite porte, les
21
aultres par où entre leau et les aultres par eschelles.
22